Natuloy din po pala akong manood ng konserto nilang tatlo. Kahiya, kasi di ko naman alam na tatlo pala sila at ang mas nakakahiya ay hindi ko kilala sina Renz at lalo na si Jessa. Sabi ng mga nagyaya sa akin ay sikat sina Jessa at Renz. Sabi ko naman ano-ano ba ang mga kanta nilang sumikat? Basta marami daw. “Ahem, nane one please..” Sagot nila ay “too many to mention..” este, slumbook yata ito.
Eniwey, sumama na rin ako. Lam mo na, pagbibigay suporta sa mga kasamahan sa industriya, hehehe.
Sabi sa imbitasyon nila ay magsisimula daw ng alas otso ng gabi ang pagkanta ng mga singer na dumayo pa galing Maynila papunta dito sa Alemanya. Kaya naisip namin ng mga kasamahan ko na alis kami ng bandang 5:30 ng hapon para on time kami. Ayun, sa awa ng Diyos, naka ilang kilometro palang ang tinakbo namin sa haywey, nagsimula nang bumagal ang daloy ng trapiko. Sa madaling salita, nakarating kami ng kinse minutos lagpas alas otso ng gabi sa Köln/Bonn kung saan ang venue. Nasa entablado na si Renz nung nakapasok kami sa Auditorium. Medyo halos dalawang oras din siyang nag trabaho sa entablado. Mahirap kayang mangharana at magpatawa lalo na kung may mga European audience ka. Aba, iba ang sense of humor ng Pinoy. Mahirap ipaliwanag o i translate sa ingles ang jokes natin. Kaya, ayun, pinag pawisan siya ng husto. In fairness, napasaya niya naman ang mga Pinoy. Lalo na yung medyo may edad na. Siguro kapanahunan nila. In fairness, naka survive naman ako sa ordeal.
Nung natapos na ang time niya or should I say, handa nang lumabas sa entablado si Jessa, siguro nakahinga na siya ng maluwang. Hahaha, wawa naman si Renz. Ang tagal kasing natapos mag handa ni Jessa kaya medyo napahaba tuloy ang trabaho ni Renz.
Unfortunately, at opinyon ko lang din po ito, hindi worth it ang pag hihintay ng madla kay Jessa. Nagpaka prima Donna siya pero hindi naman sulit ang performance niya. Kinanta niya ang ilang kanta galing sa album niya. Tapos mga Shirley Basey classics na ang kinanta niya. Ang malalala nito, pagkatapos ng concert ay nag bigay ang organizer ng ilang minutos para maka pag pa picture ang mga kababayan natin sa entablado kasama sana ang mga artista. Lumabas naman po sina Kuya Rey at Tito Renz, pero si Jessa ang hindi na nagpakita. Ahem, napagod na ba siya kaya? O talagang nagpaka D_I_V_A lang ba talaga??? Hay nako, in fairness, maganda ang gown niya, heheh. Yun lang po ang masasabi ko, bow!”
Mabuti nalang at kasama nila si Ginoong Rey Valera. ang walang kamatayang mga klassik songs niya ang nagdala sa akin ng saya nung gabing yun.
on 
on 
on 
; ?>/img/FurlIt.png){kind=small}